Soben a máis de 208.000 os traballadores afectados por ERTEs en Galicia
Pontevedra segue á cabeza en afectados.
Por Europa Press / Redacción | SANTIAGO DE COMPOSTELA | 21/04/2020 | Actualizada ás 13:15
Galicia conta con 208.164 afectados en 34.519 Expedientes de Regulación Temporal de Emprego (ERTE) desde o comezo do estado de alarma polo coronavirus, segundo datos da Consellería de Economía deste martes.
En comparación co luns pasado, os expedientes e os traballadores inmersos increméntanse ao redor dun 1%. En Galicia hai 995 ERTE a nivel autonómico con 18.179 traballadores, mentres que os empregados en expedientes estatais con repercusión na Comunidade son 19.330.
Por provincias, Pontevedra segue á cabeza en afectados (76.669) en 12.036 expedientes. Séguelle A Coruña, son 62.380 traballadores, neste caso co maior número de expedientes (13.368). A máis distancia están Ourense, con 16.950 empregados e 4.100 ERTE; así como Lugo, que conta coas cifras totais máis reducidas, ao haber 4.020 en 14.656 expedientes de regulación.
