Precísase unidade e luz na escuridade

A noite gánalle espazo ó día  e todo parece máis escuro e incerto. Por iso, semella que o optimismo decae axudado pola  pandemia que hoxe  nos invade. Deste xeito todos os plans que se matiñan para o futuro máis inmediato están sometidos a unha continua  provisionalidade.  E a luz que sinale a fin do tunel non se alvisca.

 

Vivimos temos  de incerteza e desasosego. Vivimos unhas datas  nas que todo revirouse amosándonos  a realidade, pois nin eramos tan fortes, nin tiñamos tantos recursos  pra afrontar o que nos viña enriba. Mais a iso hai que sumarlle que estamos  nunha sociedade onde  todos podemos pensar e opinar o que nos peta. E iso permite a protesta dos que nunca están dacordo; dos que non colaboran; dos que aparecen como  negacionistas que non ofertan nada máis que a barbarie e o desorden. E si esto ven  alentado por grupos que difaman e difunden noticias e trolas  que só axudan a aumentar a  incerteza e o  desorde social,  o tema lévanos a matinar que poden voltar tempos escuros e irracionais onde as libertades estiveron sometidas ó capricho de sanguinarios caudillos.

 

Todos sabemos que hai sectores empresariais  que o están a pasar moi mal. Sectores que, por mor de decisións do poder,   non poden desenvolver o seu traballo por iso teñen dereito á protesta pacífica. Mais resulta moi negativo  que grupos políticos, anden a aproveitarse do que é unha pandemia mundial pra sementar  inquidias, desconfianzas e mentiras.  E, o que é peor, pois fanno  sen propor ningunha alternativa.  Mais  animan a manifestarse e indirectamente a alentar  o desorde.

 

Nefasto traballo fan os  que chaman a saír á rúa para pedir libertade. Como se neste país hobera censura e estiveramos nunha ditadura. Desfacer  todo, cargarse o mobiliario urbano, rachar escaparates,  asaltar comecios e  apoiar algaradas sempre foi moi sinxelo, ao igual que iresposabel.  Pouca luz teñen estes persoeiros e ningunha os seus seguidores.  Pouca ou ningunha solidaridade teñen  co resto da sociedade que sí garda as normas.

 

En fin, no tempo que merman os días  e a noite gaña espazo, precisamos con urxencia ter sosego  e afrontar unha situación que vai pra lonxe. E témolo que facer  sen mentiras piadosas, e con propostas positivas que conxuguen manter a economía e a saúde;  pero fuxindo desas minorias radicalizadas, que alentadas por grupos radicais, aproveitan todas as crises pra crear caos, sen ofertar ningunha solución á situación presente. Concluíndo: precísase unidade política e social e luz pra sair da escuridade na que hoxe nos atopamos.