Estes son os 92 concellos de Galicia 'libres' de covid
Nestes territorios levan polo menor 2 semanas sen detectar un só caso de contaxio. Máis da metade están en Ourense.
Por Europa Press / Redacción | SANTIAGO DE COMPOSTELAsasa | 19/12/2020 | Actualizada ás 11:50
Galicia contabiliza este sábado un total de 92 municipios nos que non se rexistrou ningún caso de coronavirus nos últimos 14 días, o que implica o 29,4% dos 313 concellos galegos. Con todo, supón romper a tendencia observada en semanas pasadas, xa que o pasado sábado eran cinco máis (97) as localidades libres de covid.
Segundo despréndese do mapa que actualiza diariamente a Consellería de Sanidade, máis da metade (48) dos municipios galegos sen novos positivos por coronavirus nas últimas dúas semanas sitúanse na provincia de Ourense, pero son seis menos que os 54 do pasado sábado.
Isto implica que o 52,2% dos concellos ourensáns levan 14 días libres de covid. Trátase de Allariz, Bande, Beade, Boborás, A Bola, Carballeda de Valdeorras, Castrelo do Val, Castro Caldelas, Cenlle, Chandrexa de Queixa, Cortegada, Entrimo, Esgos, Gomesende, A Gudiña, O Irixo, Xunqueira de Ambía, Xunqueira de Espadañedo, Larouco, Laza, Lobeira, Lobios, Maside, Melón, A Merca, A Mezquita, Montederramo, Muíños, Paderne de Allariz, Padrenda, Parada de Sil, Petín, A Pobra de Trives, Pontedeva, Porqueira, Punxín, Quintela de Leirado, Rairiz de Veiga, Ramirás, Rubiá, San Xoán de Río, San Amaro, A Teixeira, Toén, Verea, Vilamarín, Vilardevós e Vilariño de Conso.
De feito, saíronse desta listaxe A Arnoia, Baños de Molgas, O Bolo, Cartelle, Monterrei, Nogueira de Ramuín, Piñor, Oímbra, Riós, A Veiga e Vilar de Barrio por detectar algún caso de covid-19 tras dúas semanas sen facelo.
Tras Ourense, está Lugo como segunda provincia con máis localidades que non rexistraron positivos en 14 días, un total de 27 --o 40,3% das 67 que a compoñen--, mesma cifra que hai unha semana. Trátase de Abadín, Baleira, Becerreá, Begonte, Cervantes, Folgoso do Courel, O Incio, Lourenzá, Mondoñedo, Muras, Negueira de Muñiz, As Nogais, Ourol, Paradela, O Páramo, Pol, A Pobra do Brollón, Portomarín, Quiroga, Ribas de Sil, Ribeira de Piquín, Riotorto, Samos, O Saviñao, Triacastela, O Vicedo e Baralla.
Desta listaxe caeron Barreiros, O Corgo, A Fonsagrada, Friol, Meira, A Pontenova, Trabada e O Valadouro, ao romper a serie de dúas semanas sen positivos.
A CORUÑA E PONTEVEDRA
Na Coruña, son 11 dos 93 concellos da provincia --o 11,8%-- os que non detectaron casos de coronavirus en dúas semanas. Así, están libres do patógeno Boimorto, A Capela, Cerdido, Mañón, Paderne, Santiso, Sobrado, Trazo, Vilasantar, Vilarmaior e Cariño. Con respecto ao sábado pasado, xa non figuran na listaxe Corcubión, Mesía nin Toques.
Mentres tanto, na provincia de Pontevedra os municipios sen novas infeccións por covid en 14 días pasaron de sete a seis --o 9,8%-- e son Arbo, Campo Lameiro, Covelo, Fortnelos de Montes, Mondariz-Balneario e Vila de Cruces. Os que se caeron da listaxe pontevedresa son Dozón, Oia e Portas.
