Por E.P. | SANTIAGO DE COMPOSTELA | 25/01/2021 | Actualizada ás 12:54
A conselleira de Infraestruturas e Mobilidade, Ethel Vázquez, garantiu que a estación intermodal de Ourense entrará en funcionamento "a principios de febreiro" de modo parcial. A preguntas dos medios tras unha rolda de prensa, a conselleira explicou que este será o primeiro complexo destas características que entre en servizo na comunidade, así como o que "mellor criterio de intermodalidad vai ofrecer".
Deste xeito, Ethel Vázquez destacou esta estación intermodal representará un modelo "áxil", "seguro" e "rápido" e que se buscará "aproveitar o Xacobeo ao máximo" mediante a mesma. Neste sentido, a titular autonómica de Infraestruturas e Mobilidade volveu a remarcar que o traslado de servizos da terminal antiga de autobuses á integrada no complexo intermodal realizarase "a principios de febreiro".
Mentres, lembrou que aínda permanece pendente a finalización do aparcadoiro subterráneo que executa Adif para "ter unha posta en servizo total" da estación intermodal. Aínda que asegurou que non se trasladou a data prevista para a terminación destes traballos, confiou en que teña lugar "antes de verán".
En todo caso, Ethel Vázquez recalcou que a integración dos servizos de autobús na estación de tren para facilitar un cambio de transporte de modo "rápido e seguro" concluiría "en cuestión de días".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.