Por Europa Press / Redacción | Santiago de Compostela | 29/01/2021 | Actualizada ás 17:10
Os residentes en residencias de maiores contaxiados con Covid-19 volveron a aumentar ata os 452 tras detectarse 12 contagios no centro Mi Casa de Ferrol e oito na DomusVi Carballo, entre outros. Así consta nos datos actualizados este venres polas consellerías de Sanidade e Política Social, nos que se recollen, ademais, cinco contaxios na Residencia de Bande; tres na DomusVi Laraxe de Cangas; dous no Casón de Moeche; outros dous na San José de Ourense; un na residenica do Incio e outro na Ballesol de Oleiros.
Pola súa banda saen da lista por dar negativo 16 usuarios de centros: cinco na DomusVi Vimianzo, tres na DomusVi Carballo, tres na Paz e Ben de Tui, dúas na San José de Ourense e un a DomusVi San Lázaro de Santiago, outro na de residencia de Burela e outro na de Bande.
Deste xeito, entre os centros con máis residentes contaxiados inclúense a DomusVi Carballo, con 77; a Quercus de Leiro, con 68; a Nosa Señora do Carme de Sarria, con 57; Residencia Fogar Santa María de Verín, con 22; e a Residencia de Bande, con 20.
TRABALLADORES
Pola súa banda, tamén se incrementan ata os 256, o que supón oito máis, tras dar positivo un traballador da residencia DomusVi Carballo; tres da Santa Teresa Jornet da Coruña; outro do Fogar Residencial de Cerceda; dous da DomusVi Vimianzo; dous do Casón de Moeche; outro da San José de Arzúa; outro da San Bartolomeu de Xove; outro da Nosa Señora dos Miragres de Barbadás e outro de Mi Casa de Pazos de Borbén.
Mentres, saíron da lista por negativizar un traballador da Ballesol de Oleiros; outro da DomusVi San Lázaro de Santiago; outro da residencia do Incio; outro da residencia San Carlos de Celanova e outro da residencia de Esgos.
Entre os centros con máis traballadores con Covid inclúense a residencia DomusVi Carballo, con 31; a Residencia da Pastoriza, con 23; a Paz y Bien en Tui, con 21; a Quercus de Leiro, con 19; e a DomusVi Vimianzo, con 15.
CENTROS DE DISCAPACIDADE
En canto aos centros de atención á discapacidade de Galicia aumentan en 12 os usuarios contaxiados ata os 108 tras detectarse 11 positivos na residencia para persoas con discapacidade Pai Menni de Betanzos e outro na residencia para persoas con discapacidade Ricardo Baro de Oleiros.
En canto aos traballadores destes centros contaxiados, mantéñense en 44 ao rexistrarse un positivo no CAPD de Sarria e saír da lista por negativizar un da residencia para persoa con discapacidade de Aspace en Sada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.