Os casos de covid-19 en residencias de anciáns galegas baixan a 30
Os centros de atención a persoas con discapacidade (CAPD) de Galicia teñen tan só un usuario infectado.
Por E.P. | SANTIAGO DE COMPOSTELA | 08/03/2021 | Actualizada ás 13:20
Os casos activos de covid-19 en residencias de anciáns de Galicia descenderon ao total de 30, concretamente 24 usuarios e seis traballadores, despois doutra xornada, a segunda consecutiva, na que non se detectaron novos positivos.
De acordo co balance feito público este luns pola Xunta, os anciáns destes centros infectados polo coronavirus baixaron a 24 despois de que un do xeriátrico DomusVi Laraxe, en Cabanas. Así, a residencia Santa Mariña de Xinzo de Limia continúa como a máis afectada nestes momentos en Galicia, con 10 casos activos. Séguelle DomusVi Laraxe, con sete; o centro A miña Casa de Ferrol, con catro; a Milagrosa da Coruña, con dúas; e o Fogar Xardín Castro Lareira de Salceda de Caselas, cun. En canto aos traballadores con covid-19, o cómputo global mantense en seis.
CENTROS DE DISCAPACIDADE
Pola súa banda, os centros de atención a persoas con discapacidade (CAPD) de Galicia, tan só contan cun usuario infectado, na residencia Pai Menni de Betanzos, despois doutro recibise o alta nas últimas horas.
