Ás persoas con discapacidade trátannos de incapaces nas oposicións

O que nos está a pasar nas oposicións de Profesorado de Educación Física das dúas últimas convocatorias paréceme sangrante. Agradécese que se adxudiquen prazas para persoas con discapacidade, 3 concretamente este ano, o que pasa é que nin o ano pasado nin este ano aprobou unha soa persoa nesta quenda de discapacidade, nin sequera puidemos acceder á segunda fase.Tanto é así que ata que protestei nin publicaran a lista da quenda D ata hoxe, o día 11. Non é iso desprezo?

A xente que nos presentamos non sabe o que está a suceder, pero sobre todo vou reclamar porque non creo que o meu exame fose suspender. Aínda que é así, un 0% dos que solicitaron nin sequera superaron a parte A. 0%? En 2 anos? Paréceme indignante porque é xogar co futuro das persoas. O peor é que me sinto estafado e ninguén di nada, ninguén se pon na nosa pel...

Señores, pasei por xulgados médicos e pasei por diferentes profesionais que certifican que podo exercer a docencia... Que está a fallar? O peor é que cinco compañeiros de profesión non teñen en conta a discapacidade (o tribunal), só somos números e esas prazas van directamente a persoas sen discapacidade. Estás a dicirme que estas prazas son realmente para discapacitados? Estes dous últimos anos non as foron.

Un triste saúdo de alguén que se sente discriminado.

Por min e por compañeires.