Morre un garda civil na Comandancia de Pontevedra por un disparo

Un garda civil faleceu na mañá deste luns nas dependencias da Comandancia de Pontevedra como consecuencia dun disparo de arma de fogo. Así o confirmaron fontes da Garda Civil, que apuntan que se instruíron dilixencias e os feitos están a ser investigados para aclarar o sucedido.

As fontes oficiais inciden en que están pendentes os resultados da autopsia e en que non se facilitarán máis datos, aínda que a principal hipótese é o suicidio, segundo puido saber Europa Press.

O falecemento do garda civil causou profunda tristeza e conmoción entre os seus compañeiros da Comandancia.