Por E.P. | SANTIAGO DE COMPOSTELA | 02/10/2022 | Actualizada ás 16:16
O PPdeG esixe ao Goberno central "transparencia e claridade" sobre as causas do colapso do viaduto do Castro da A-6, en Lugo.
Os populares reuníronse con representantes de dúas asociacións de transportistas, Aetram e Tradime, que lles trasladaron as súas "preocupacións" en relación ao corte da autovía e ao desvío provisional ata a antiga N-V.
Tres meses despois da caída do viaduto, critican, continúan "sen as explicacións oportundas sobre as causas do derrube". "Non sabemos se a ponte que está agora mesmo como desvío provisional é seguro ou viable para pasar por el", censura o coordinador de Infraestruturas do PPdeG, Antonio Ameijde.
Para os populares, a reunión cos transportistas e a falta de transparencia do Goberno central leva a unha pregunta e unha crítica: por que, se a ponte é segura, non se permite o tráfico sobre ela, como se facía durante as obras de mantemento meses atrás? e a "excesiva pendente, de máis do 15%, para o tráfico de camións nas obras de desvío, unha queixa unánime".
Outra das queixas que máis se repiten, comentan, é a falta de coidado do pavimento da A-6, "que provoca incomodidade na marcha de camións e todo tipo de vehículos, e que crea un evidente risco na seguridade viaria".
BATERÍA DE PREGUNTAS
Doutra banda, os senadore do PP por Lugo, trasladaron no mes de xuño ao Executivo central, por medio de preguntas orais e escritas, a preocupación polo colapso do viaduto.
"A resposta do Goberno foi a remisión a unha comparecencia da ministra de Transportes realizada o 21 de xuño. Néganse ademais a compartir ningunha información respecto diso nin ante o Senado nin ante a Xunta", lamentan.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.