O anuncio “Vivamos como galegos”, novamente premiado

O spot de Gadis recibiu o Premio Oro a la Eficacia de la Publicidad 2014.

Por Galicia Confidencial | Compostela | 25/10/2014 | Actualizada ás 11:52

O último anuncio "Se chove, que choia" da campaña "Vivamos como galegos" de Supermercados Gadis recibiu o seu terceiro galardón, neste caso o Premio Oro a la Eficacia de la Publicidad 2014.

A Asociación Española de Anunciantes, na categoría Especial Rexional/Local, outorgou o premio a a este popular anuncio televisivo que, ademais, resultou finalista no Gran Premio EFI, segundo explica a empresa nun comunicado.

"Se chove, que choia" logrou superar o millón de reproducións en Youtube nos primeiros meses e recibiu máis de 14.000 comentarios en redes sociais.

A campaña "Vivamos como galegos", con numerosos premios no seu haber, xa fora recoñecida pola Asociación Española de Anunciantes nas edicións de 2009 e 2010, converténdose na máis vista da publicidade española respecto ao obxectivo de planificación, con máis de cinco millóns de visitas.

Durante este ano o anuncio de Gadis foi recoñecido noutras dúas ocasións: nos Premios AMPE, que concede a Asociación de Medios Publicitarios de España, así como co Premio Aster de Mercadotecnia e Valores outorgado pola Escola de Negocios ESIC.

Os Premios Eficacia foron creados en 1997 para responder a unha necesidade común do sector publicitario: recoñecer a contribución da comunicación á consecución dos obxectivos empresariais das empresas anunciantes.

3 Miguel Foguete

A mín encantoume este anuncio pero máis o orixinal que estes últimos que están sacando. A verdade e que os galegos non somos nada orgullosos das nosas tradicións. Considero que este anuncio e o adsensei dos anuncios galegos.

2 Rubén

Non teño tan claro esa defensa do galego, nos super o pouco galego que se ve está bastante camuflado, sirva como exemplo os letreiros carnicería,peixeria,etc as letras no mesmo color que o fondo, eso si o castelan en branco e relucientes non varía ser.

1 urlolira1940

Para que logo digan algúns analfabetos integrais, ¿para que serve o galego? Pois para gañar premios, por exemplo. Noraboa a GADIS polo seu labor a prol do noso idioma. Se tiveramos o 25% das empresas radicadas en Galicia empreñadas neste labor do uso do galego na publicidade e noutros menesteres mellor lle iria ao idioma. Esperamos que estes premios non só sirvan de estímulo e satisfacción á propia empresa senón de modelo para outras que teñen medo de perder mercado se se presentan en galego no mundo. Noraboa para Antonio Cortés e seu equipo. Téñeno merecido.