O Goberno dá luz verde á ampliación da estación intermodal de Ourense cun investimento de 130 millóns
Por E.P. | OURENSE | 16/05/2023 | Actualizada ás 14:09
O Consello de Ministros deu luz verde á licitación do contrato para a ampliación e remodelación da estación intermodal de Ourense, na que o Ministerio de Transportes, Mobilidade e Axenda Urbana (Mitma), a través de Adif Alta Velocidade, investirá 130,2 millóns de euros.
A actuación, aprobada este martes na reunión do Consello de Ministros, contempla a ampliación do espazo de viaxeiros e o número de vías na estación, así como a súa conversión en "un nodo de transporte multimodal e sustentable".
Así o indicou o ministerio nun comunicado no que incide que a reforma da estación "responderá os incrementos de tráfico xerados pola alta velocidade e a liberalización do transporte ferroviario de viaxeiros".
