Música e ritmo este luns no aeroporto de Santiago para "achegar a cultura" aos viaxeiros
Dende baile latino ata flamenco fusión, pasando por acrobacias, sorteos e agasallos.
Por Europa Press / Redacción | SANTIAGO DE COMPOSTELA | 24/07/2023 | Actualizada ás 15:19
O aeroporto de Santiago acolle este luns unha xornada de espectáculos en vivo que busca "achegar a cultura" aos viaxeiros e "ofrecer unha gran experiencia" no seu paso polo aeroporto.
Segundo informou Aena, a campaña, inspirada nos festivais de verán e baixo o título 'Sente o ritmo', "sorprende aos pasaxeiros" e "enche de música a terminal".
A iniciativa conta con espectáculos nos que participan a violinista Beatriz Panizo, o baile latino de Paul Lil Pow, o flamenco fusión de Diego López e o dúo de acrobacias Alex e Rosana.
Desta forma, as diferentes actividades sitúanse en puntos crave do aeroporto e están dirixidas aos distintos perfís de usuario. Ademais, inclúe outras accións como sorteos e agasallos aos pasaxeiros.
Esta xornada enmárcase dentro dunha proposta que ten como lema 'Vive a música en cada recuncho do aeroporto' e que se desenvolve en máis de 20 aeroportos da rede de Aena durante o verán.
