Feridos dous ocupantes dun vehículo nunha colisión frontal en Lobios

Dúas persoas resultaron feridas leves tras producirse unha colisión frontal entre dous vehículos na estrada OU-P-000, no municipio ourensán de Lobios.

En concreto, segundo informou a Garda Civil o sinistro produciuse no punto quilométrico 1,300, na estrada que vai á parroquia de Manín.

O 112 Galicia recibiu o aviso deste accidente sobre as 15,22 horas. Ao ter coñecemento dos feitos, os operadores da central de emerxencias deron aviso ao GES de Lobios, á Garda Civil de Tráfico e ao Servizo de Urxencias Sanitarias de Galicia-061.

Finalmente, os feridos foron trasladados polos servizos sanitarios ao Complexo Hospitalario Universitario de Ourense.

Vehículo accidentado en Lobios / GARDA CIVIL / Europa Press