Quince bibliotecas públicas municipais de Galicia premiadas por incentivar a lectura

O Ministerio de Cultura premiou 15 proxectos de animación á lectura presentados por bibliotecas públicas municipais de Galicia nos Premios María Moliner deste ano. Estes galardóns son concedidos polo Ministerio, en colaboración coa Federación Española de Municipios e Provincias (FEMP) e están dirixidos a propostas presentadas por bibliotecas de concellos de menos de 50.000 habitantes.

O importe total co que foron galardoadas as de Galicia ascende a 41.580 euros, a razón de 2.772 euros por biblioteca e proxecto. O concurso ten por obxectivo premiar a aquelas bibliotecas de municipios que leven a cabo un proxecto que inclúa as accións de animación á lectura, a eficiencia e labor bibliotecario, a integración social na súa comunidade, así como o uso das novas tecnoloxías.

Nesta convocatoria, premiáronse cinco proxectos en municipios da provincia da Coruña, catro na de Ourense, outros tantos na de Pontevedra e dous na de Lugo. O Goberno destaca as propostas presentadas polos concellos de Ares, Carballo, Miño, Oleiros, Ortigueira, Ares, Verín, Barbadás, Cenlle, Esgos, Guitiriz, Sober, O Grove, Cambados, Soutomaior e Catoira.

Bibliotecas | Fonte: MINISTERIO DE CULTURA