Rafa Cuíña acompaña a candidata de Nós nun acto electoral
O alcalde de Lalín, membro da directiva de Compromiso por Galicia, recorreou o mercado da capital do Deza canda Carme Adán.
Por Galicia Confidencial | Vigo | 11/12/2015 | Actualizada ás 09:00
Rafa Cuíña deu un paso ao fronte este mércores na súa coñecida preferencia por Nós Candidatura Galega. O alcalde de Lalín acompañou a candidata por Pontevedra nun percorrido por un mercado de Vigo, onde tamén participou a actual deputada do BNG Olaia Fernández Dávila.
A presenza de Cuíña é significativa políticamente porque o seu partido, Compromiso por Galicia, non forma parte da coalición Nós Candidatura Galega. A militancia de Compromiso votou maioritariamente dar liberdade de voto, sen decantarse por sumarse a En Marea , a outra coalición de esquerdas, nin a Nós. Esta última opción era a defendida inicialmente por Cuíña, quen de feito participara na Executiva da plataforma que serviu de berce á formación de Nós.
Cuíña non fixo declaracións durante o paseo electoral canda Carme Adán. A deputada no Parlamento de Galicia defendeu que é "fundamental baixar IVE que penaliza a vendedores e consumidores, un imposto universal que non diferencia"-
O debate en Compromiso sobre que opción electoral escoller foi complexo, con importantes diferencias de opinión, e o propio Cuíña chegou a dar entender nas redes sociais que se vía fóra da Executiva do partido galeguista.
