As defuncións por enfermidades respiratorias aumentan un 5,5% en 2024 en Galicia, mentres baixan as debidas a tumores

Galicia rexistrou un aumento de defuncións por enfermidades respiratorias do 5,5% en 2024, mentres que as mortes debidas a tumores na comunidade baixaron un 2,3%. Pola súa banda, repuntaron un 1,9% as ocasionadas por enfermidades relacionadas co sistema circulatorio.

Así o reflicte o Instituto Nacional de Estatística (INE), que este luns publica a estatística de defuncións segundo a causa de morte de 2024. En total, no ano 2024 producíronse en Galicia 32.725 defuncións, un 0,2% menos que en 2023. No conxunto estatal caeron un 0,6%, ata as 433.547 defuncións.

Respirador | Fonte: Commons - Arquivo