20 hectáreas afectadas por un incendio forestal en Cualedro
A Consellería do Medio Rural informou dun incendio forestal activo no municipio ourensán de Cualedro.
Por Europa Press / Redacción | SANTIAGO DE COMPOSTELA | 23/07/2025 | Actualizada ás 20:06
A Consellería do Medio Rural informou dun incendio forestal activo na parroquia de San Millao, no municipio ourensán de Cualedro, que afecta a unha superficie superior ás 20 hectáreas. Segundo trasladou o departamento autonómico, o incendio comezou ás 16.38 horas e ata a zona mobilizáronse dous técnicos, cinco axentes, nove brigadas, cinco motobombas, seis helicópteros e tres avións.
Ademais, entre os efectivos figuran tamén os bombeiros de Países Baixos que realizan unha estancia formativa en Galicia enmarcada no Mecanismo Europeo de Protección Civil. A Xunta lembra que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal.
