O detido polo incendio de Oímbra pasará a disposición xudicial nos próximos días

O detido polo incendio de Oímbra non pasará, en principio, este venres a disposicion xudicial, senón que o fará este sábado ou mesmo o domingo, segundo informou o Tribunal Superior de Xustiza de Galicia (TSXG).

A Garda Civil detivo a un home, veciño da Gudiña (Ourense), como presunto responsable dun incendio forestal en Oímbra que calcina máis de 5.000 hectáreas e no que resultaron feridos tres brigadistas que permanecen ingresados. Segundo informou o Instituto Armado, o home, de 46 anos, realizaba labores de limpeza e roza cun tractor cando se atopaba vixente o índice de risco extremo de incendio.

Ao home atribúenselle dous delitos de incendio forestal por imprudencia grave e tres de lesións graves, xa que tres brigadistas sufriron queimaduras e permanecen ingresados no complexo hospitalario universitario da Coruña (Chuac).

Arquivo - O novo presidente do TSXG, Ignacio Picatoste, durante o acto de toma de posesión do seu cargo na sede do alto tribunal galego, na Coruña. M. DYLAN - Arquivo