O PSOE de Narón esixe un pleno extraordinario polas fotos de dous concelleiros con Laureano Oubiña na Feira do Mel
Por E.P. | SANTIAGO DE COMPOSTELA | 09/10/2025 | Actualizada ás 19:02
O portavoz do PSdeG-PSOE de Narón, Jorge Ulla, pediu un pleno extraordinario polas fotografías de dous concelleiros de Terra Galega con Laureano Oubiña, que cumpriu condena por narcotráfico, na Feira do Mel.
"Solicitaremos este pleno para que os concelleiros do goberno local dean explicacións detalladas sobre as circunstancias nas que se tomou a foto e, sobre todo, para que aclaren a contratación e participación de Laureano Oubiña nun evento público como a Feira do Mel", sinalou Jorge Ulla.
Así mesmo, advertiu de que, se no pleno, non hai desculpas "públicas e directas" á cidadanía e ás familias que sufriron o narcotráfico, os socialistas pedirán a dimisión de ambos os concelleiros pola súa "grave falta de ética e responsabilidade". Para os socialistas de Narón o "problema vai máis aló dun erro fotográfico", centrándose no simbolismo do acto e a "ausencia de perdón" transcorridas máis de 24 horas.
