Persoal de Alonarti Envases convoca folga indefinida polo "despedimento disciplinario" dun afiliado da CIG

Persoal da empresa de fabricación de envases Alonarti, con sede en O Porriño (Pontevedra), convocou a partir do próximo día 18 unha folga indefinida para denunciar "o despedimento disciplinario" dun afiliado da CIG.

Segundo trasladou o sindicato, que ten maioría no comité de empresa -- con 7 delegados, aos que se suman 2 de UGT, que non se sumou á folga -- , esta medida levada a cabo pola empresa responde a "un intento da dirección de amedrentar os empregados de cara á inminente negociación dun novo convenio colectivo".

Por este motivo, nunha asemblea os traballadores decidiron, por maioría, iniciar unha folga indefinida que arrancará ás 6,30 horas do próximo 18 de xaneiro, e simultaneamente desenvolver concentracións ás portas da compañía durante os tres cambios correspondentes --ás 6,30, as 14,30 e as 22,30 horas--.