A líder de Podemos Galicia vincula o seu futuro ao de Pablo Iglesias

Carme Santos deixaría a primeira liña da política se non vence a lista que apoia no Congreso estatal. A deputada galega critica a decisión de Errejón de non competir pola secretaría xeral.

Por E.P. | SANTIAGO DE COMPOSTELA | 08/02/2017 | Actualizada ás 18:15

Comparte esta noticia

A secretaria xeral de Podemos Galicia, Carmen Santos, admitiu este mércores que, se a lista que impulsa Pablo Iglesias e que ela apoia de cara a Vistalegre II non vence, apostaría por apartarse da "primeira liña" da formación en Galicia.

Carmen Santos, líder de Podemos en Galicia
Carmen Santos, líder de Podemos en Galicia | Fonte: Miguel Taboada

Así o dixo Santos nunha entrevista concedida á Radio Galega, na que admitiu que nese caso "preferiría que un compañeiro máis motivado tomase as rendas do partido" na Comunidade. "Igual ter unha primeira liña para executar un proxecto no que non creo, co sacrificio que é, non sería algo que me motivase", dixo.

En relación a Vistalegre II, Santos indicou que, na súa opinión, Íñigo Errejón debería ter acordado "uns mínimos" con Pablo Iglesias para "seguir avanzando e non competir en dúas candidaturas distintas".

Do mesmo xeito, fixo fincapé en que "moitos botan de menos" a candidatura do propio Errejón á secretaría xeral do partido, xa que está "tan convencido do seu proxecto". "Non podes illar así ao teu líder para que acabe apostando por algo no que non cre", resolveu.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 celidonio

estes de Podemos son mais infantiles que os do beneguai (polo menos os do aparato da Upg xogan a colocarse para encher o peto botandolle cara e peito, os de Podemos van de nenos chantaxistas, se perden non reparten caramelos e liquidan o xogo levando a pelota para a casa para impedir e mesmo fastidiar aos colegas). madurez cero, postureo total.

2 jose

Se o líder supremo non gaña a delegada da complutense en Galiza retirase. Debe ser que aquí non ten proxecto proprio e depende do de Madrid

1 Faraldo

E TONÉ onde se esconde? Que opina ?

1 comunista independentista

E a ti que che importa? És un madero?