Gadisa abre en Cee (A Coruña) unha nova franquía Claudio

Gadisa abriu en Cee (A Coruña) a súa cuarta franquía Claudio en 2017, tras os puntos de venda postos en marcha no municipio coruñés de Abegondo, Vigo e León.

O novo Claudio Express está situado na estación de servizo Bazarra, situada na Estrada Comarcal 552 (km 93,4). Nas instalacións traballan un equipo composto por 15 profesionais.

O complexo está integrado por gasolineira, boxes de lavado, cafetaría, taller mecánico, servizo para autocaravanas e prensa. Así, terá horario ininterrompido (os 365 días do ano), maior proximidade aos clientes e unha completa variedade de alimentación, hixiene e limpeza con prezos de supermercado convencional.

Á inauguración do novo punto de venda asistiron Carolina Villar, unha das propietarias; o xerente da estación de servizo, Julio López; o director de Liña Maior de Gadisa, Miguel Freire, así como o equipo de implantación da franquía e traballadores do centro.

Con esta apertura, Gadisa alcanza unha rede de 163 franquías Claudio, que inclúe establecementos de proximidade en zonas semiurbanas e rurais, así como puntos de venda nas gasolineiras. A compañía conta, ademais, con 216 Supermercados Gadis e 12 Cash Ifa, situados nas comunidades autónomas de Galicia e Castilla-León.