BNG: “A ilegalización de Sortu é unha mala noticia para a democracia”

GC repasa o posicionamento das forzas políticas galegas ante a sentencia do Supremo. Sortu confía en que o Constitucional falle ao seu favor, como sucedeu con Iniciativa Internacionalista. Vídeo no interior.

Por Galicia Confidencial | Santiago | 24/03/2011 | Actualizada ás 12:50

Montse Prado, secretaria de organización do Bloque, acaba de facer a primeira valoración da fronte sobre a sentencia do Supremo. O tribunal decidiu, por maioría pero con tres votos particulares, admitir a demanda do Ministerio de Interior de non inscribir aos abertzales.

Sortu ten así moi complicado poder presentarse ás eleccións locais. Se presenta un recurso ao Tribunal Constitucional, está nas mans dos xuíces fallar ou non antes dos comicios.

En todo caso, os independentistas vascos conservan unha raiola de esperanza. Xoga ao seu favor o precedente de Iniciativa Internacionalista. O Constitucional fallou in extremis en contra da sentencia previa do Supremo, podéndose presentar ás eleccións europeas do ano pasado.

“Esa sentenza temos cualificala dunha oportunidade perdida e dunha mala noticia para a democracia e o avance dunha solución política para o pobo vasco”, apuntou Prado.

A secretaria de organización lembra que “sempre fomos contrarios á lei de partidos porque non soluciona nada do problema do pobo vasco”. A diferencia do sucedido con Iniciativa Internacionalista, na que participaba os tamén nacionalistas galegos da FPG, o Bloque sempre se mostrou a prol da legalización da nova formación abertzale.

Para Prado “o feito de que haxa tres votos particulares, é a primeira vez neste tipo de sentencia, evidencia que hai unha parte da sociedade que se está movendo e que quere unha saída política”.

Tanto PP como PSOE a nivel estatal aplauden a sentencia do Supremo. Nos estatutos de Sortu condenase calquera forma de violencia, en particular a de ETA. Con todo, o Supremo admitiu o argumento do Ministerio de Interior, que cre que é unha nova encarnación de Batasuna baixo mandato dos terroristas.

Outras forzas do país, como a FPG e Causa Galiza, criticaran a demanda de non inscripción no rexistro de partido. Esta semana vinte eurodeputados tamén pediron a legalización, incluídos políticos de Esquerda Unida e ERC.

9 Teresa

Se de 16 maxistrados, 7 votan a favor da legalización, se un catedrático de Dereito (Perez Royo) di que coñece ben os estatutos de Sortu e cumplen coa lei de partidos e un dos chamados "pais" da Constitución (Peces Barba) di que Sortu cometeu o erro de ter de avogado a un que defendeu casos de eta.....¿a que xogamos en éste Estado?

8 Fernando

Para el BNG, y espero que para cualquiera que aprecie la democracia. Pero la realidad es que hay dos partidos a los que sólo les salen las cuentas en Euskadi cuando el 15% de los vascos no puede votar por su opción.

1 Manoliño

Será para cualquiera que aprecie la democracia "popular", no la "burguesa" que tenemos ahora, con separación de poderes, etc. Y en cuanto a que no vota el 15% de la población, tampoco pasa nada. Las cifras de abstención suelen ser superiores; los presos no votan y tampoco nos ocurre nada. Es más importante que la mayor parte de la población, el 85% restante, pueda vivir en paz ¿O no? Más importante que darles alas a quienes llevan un porrón de años comportándose como salvajes, en aras de unos ideales elevados, que ellos saben que son los buenos ¿Vosotros que defendéis a SORTU, seguro que ibais a mantener una democracia "burguesa" como la que tenemos ahora? Venga hombre, que no me lo creo.

2 Amigho

A democracia esa que dis ti é a que permite que en Euskadi goberne unha minoría contra unha maioría? E logo cal é diferenza coa "democracia popular" da que tanto escapas?

7 Roel

Non lin os comentarios, pero a cuestión non é si o BNG está ou non dacordo coa legaligación de Sortu según o TS. A Ley de partidos é unha pura trapallada. É simplemente unha lei posibilista de até que punto se pode chegar co "doble rasero". O PP nunca condeou ás decenas de miles de españoles asasinados durante a dictadura. Asasinos que nunca foron xulgados nin moito menos condeados nesta nosa tan "perfecta transición". Alcaldes e concellais que o eran na dictadura nas vilas nas que se cometeron asasinatos impunes, foron despois alcaldes e concellais que cobraron do erario público. Lei de partidos para uns e relaxación moral para os demáis, polo ben, según din, da estabilidade da democracia. Cinismo e pouca memoria. Todos os crimes son condeables, TODOS.

6 Arenga

Se lhes fecham a via política aos que condenam a violência, que via lhes queda?

5 Noxo

Coma sempre, a ignorancia do pobo vai facer que voten ao PP e PSOE para sentírense protexidos dos etarras. Entrementres, a Falange Española y de las JONS seguirá presentando as súas listas perfectamente legais... Por favor, abran os ollos!!

1 Hespanhol

A lei de partidos é unha das leis máis criticables dende tódolos puntos de vista. Agora ben, aludir á ignorancia do pobo para argumentar calquera opinión é moito máis criticable.

2 Manoliño

É que polo de agora, os malos da película, os que matan e poñen bombas son os etarras e mais outros grupos de esquerda, que que se saiba, os de falange son tan residuais en Galicia como o independentismo; coa diferencia que en democracia os falanxistas non mataron a ninguén nin puxeron bombas. Os teus amigos, si.

3 Noxo

O problema é que aquí están a ilegalizar un partido polas suas ideas, simplemente porque non gustan. Pero o que ninguén parece comprender é que habería que reflexionar pola razón de que haxa 150000 potenciais votantes desas ideas, no canto de seren un grupúsculo residual como a Falange. Os asasinos dan medo, pero no País Vasco non hai 150000 condenados por pertencer a ETA. Algún de vós pode dar unha explicación coherente para isto, ou preferides o insulto implícito de Manoliño?

4 Amigho

Home, é que a ver, o PP gaña votos ao longo e largo de España empregando precisamente a mesma demagoxía que utiliza o Manoliño este, presentándose como heroes e empregando a forza emocional do terrorismo para atraer ás pitiñas que andan por aí. E o PSOE tan contento, que así pode ir trincando algunha cousa en Euskadi. Claro que se despois insinúas que a Mayor Oreja lle convén todo isto por ser o dono da empresa de escoltas maior do País Vasco, pois es un miserábel e un radical.

5 Amigho

É curioso que Manoliño non nos diga nada sobre os ataques da ultradereita española a locais catalanistas en Valencia, de agresións a estudantes en universidades do País Valencián, do acoso que sufriu Laporta cando foi aló apresentar o seu proxecto político e moitas outras mostras de violencia das que fardan nas suas webs sen que o Estado meta man. En Euskadi a un tipo coa actitude de Manoliño xa lle terían chamado os seus "cómplice de la violencia". Aquí somos máis tolerantes que ese partido marxinal.

6 Manoliño

Aquí non se ilegaliza un partido polas súas ideas, senón porque a policía e Garda Civil teñen probas "abrumadoras" da súa conexión con ETA, probas admitidas por un tribunal no que deben estar sentados os mellores técnicos xurídicos da nación. Ao igual que os comunistas participades pero non aceptades a democracia "burguesa" que temos hoxe porque a considerades algo así como unha posta en escea, os poderes públicos, coa lexitimade que lles da esta mesma democracia "burguesa", consideran uns trileros aos de SORTU. Como os que estamos coa democracia "burguesa" somos moitos mais dos que estades coa democracia "popular"... ¿Pódesme dicir que problema teñen os de SORTU en condenar a violencia pasada e futura? ¿Ou o problema está no de sempre no comunismo, que o fin xustifica os medios, que hai que enganar? Estes enganos do comunismo vense moi ben en GC: os polinicks, o ridiculismo, a zafiedade, os malos instintos, e aínda nalgúns casos o que é peor: a estupidez.

7 Noxo

Se alguén de Sortu cometeu un delito, especialmente un asasinato, sexa levado á cadea, como calquer outro criminal. Con todo, se non os levan presos, é que a policía é incriblemente torpe ou máis ben é que en realidade non son criminais? Tamén é curioso esixir unha declaración de rexeitamento da violencia a un partido político concreto para deixalo presentar ás eleccións, e logo cando a fan dicir non é válida, porque se xulga que están ocultando algo. Nese caso, digo eu, para qué se pregunta? As violacións dos dereitos humanos, o mesmo que os financiamentos ilegais e delitos económicos, deben ser combatidas. Ao resto chámano democracia, pero non o é. No entanto, os argumentos da "xente de ben" falan, por algunha razón descoñecida, de comunismo e estupidez... Certamente, recoñecer a propia ignorancia doe, pero ese é o primeiro paso cara a verdadeira liberdade, e nunca estamos sós nese camiño.

8 Manoliño

¿E os que pertenceron como militantes de HB, dando apoio a ETA, seguindo as súas instruccións, etc.? ¿Pero é que a sociedade non poder protexerse desa xente? Aqui estamos falando de cousas moi serias, como a violencia, e volvo a insistir en que a maioría dos maxistrados aceptaron que existen probas abrumadoras por parte da Policía, que vinculan a SORTU con ETA. Se ti abres un negocio, e pechas deixando débedas a Facenda, non dubides que facenda buscarate e terás que satisfacer á débeda se na nova empresa que montes adícaste á mesma actividade. Pois con estes, o mismiño, que foderon moito a moita xente. Os que apoian a SORTU perciben os asasinatos con frialdade, como se tomasen a distancia profesional dun médico ou dun empregado de funeraria. Non me parece normal.

9 Xoán

Se cambias HB por Falanxe, ETA por franquismo e SORTU por PP, resulta que estás a pedir a ilegalización dese partido. Eu non digo que SORTU deba ser legal, senón que a súa situación é análoga á do PP, e neste último hai casos mesmo máis descarados.

10 Noxo

Repito: se alguén de Sortu cometeu un delito, especialmente un asasinato, sexa levado á cadea, como calquer outro criminal. A sociedade ten que ser intelixente para saber o que quere votar nunhas eleccións, sen que o Estado faga como o "pai" que ofrece ao seu fillo só o que quere para el. O problema ven cando o pai se sinte ameazado polas decisións do seu fillo, e prefire darlle unha labazada antes de explicarlle o que considera que fai mal. Ese é un mal pai, e este é un mal Estado.

11 Manoliño

Cos maltratadores non se espera que volvan delinquir, se é que algunha vez o fixeron. Chega con que unha muller o denuncie para que un xuiz, por si acaso, impida ao presunto delincuente acercarse á súa vítima. Estes teñen currículo dabondo para que se establezan con eles medidas de seguridade que protexan ao resto da sociedade. A lei de partidos tamén era ilegal, e foi recurrida a Europa, e a declararon legal. A estes o que lles vai, como sempre na esquerda violenta, é facerse as vítimas. Tururú.

12 Amigho

Manoliño, non mintas anda que Europa non se pronunciou sobre a LOPP.

13 Manoliño

El Tribunal Europeo de Derechos Humanos da la razón al Gobierno español y respalda por unanimidad la ilegalización de Batasuna y HB http://www.la-moncloa.es/Actualidad...

14 Noxo

Vouno ter que dicir outra vez: se alguén de Sortu cometeu un delito, especialmente un asasinato, sexa levado á cadea, como calquer outro criminal. As ideas son boas ou malas, gustan ou non, pero ter unha idea nunca é delito. O mesmo que unha asociación de xente con boas ou malas ideas non comete delito por querer presentarse a unhas eleccións. E se ese partido cometese un delito, como financiar criminais, a policía debería actuar (e teño a impresión de que o faría con maior eficacia que se ese partido fose o PP ou o PSOE, non sei ben por que)

15 Amigho

Manoliño fillo, aprende a ler ho, aí di que o TEDH apoia a ilegalización de Batasuna e de Herri Batasuna. Non di nada de que resolva un recurso contra a propia Lei de Partidos.

16 Manoliño

Eso de que ter unha idea nunca é delito será porque ti o digas. Di a Constitución que as asociacións que persigan fins ou empreguen medios tipificados como delicto son ilegáis. Non teñen que cometer un delicto, so ter o propósito, ou albiscarse este propósito como é o caso mediante que os coñecen ben como son os corpos e forzas de seguridade do Estado. E os sofismas son razóns ou argumentos aparentes cos que se quere defender o que é falso. E que os membros de SORTU pola súa ideoloxía e currículo, son perigosos para a nosa sociedade e esta debe ter perfecto dereito a adoptar medidas de seguridade para protexerse é, para min, algo evidente.

17 Manoliño

"El Tribunal Europeo de Derechos Humanos (TEDH) sentenció el 30 de junio que la Ley de Partidos Políticos española está de acuerdo con la Carta Europea de Derechos Humanos" http://www.covite.org/covite_actual...

18 Amigho

Non Manolitiño non, volta á escola fillo. A Constitución non di esa cousa que ti dis, no artigo 22.2 da Lei de Asociacións, que é a Lei Orgánica 1/2002 e tal precepto non é de aplicación neste caso porque non se está realizando unha declaración de ilegalidade, mais o que se está a facer é prohibir que se inscriban, cousas case semellantes, mais diferentes. Por outra parte, non entendo porque os membros de Sortu son máis perigosos dos que pasaron de Batasuna a Aralar ou ao PSE ou máis directamente de ETA Militar e Político-Militar ao PSOE, ao PP, a Ezker Batua, etc... a perigosidade como se mide? En Fahrenheit ou en Celsius?

19 Amigho

Pero le un pouquiño Manoliño que o feito de que unicamente mude o titular, redactado por persoas que de dereito tanto como eu de enxeñaría aeronátutica, non significa que sexan sentenzas distintas.

20 Manoliño

Discutimos por discutir nonsi? Como sempre, todo o fiades ao engano. Art. 22.2: "Las asociaciones que persigan fines o utilicen medios tipificados como delito son ilegales" http://noticias.juridicas.com/base_... No demais, ven de onde ven, así que como se cantara un carro. De nada.

21 Noxo

Honestamente, alguén que di "Eso de que ter unha idea nunca é delito será porque ti o digas" non sei como pode durmir tranquilo polas noites. Hai que ter un comportamento modélico, coidar moito as amizades e mirar con quen se fala para estar seguro de que ningún veciño vaia denunciar que tes ideas malvadas. Como nos tempos do Santo Oficio, e tamén en ditaduras máis ou menos recentes: un grupo de xente protéxete de toda ameaza mentres non lles dea por pensar que ti es a ameaza.

22 Ferrolán

¿ Qué problema ten o PP en condenar o franquismo,e nunca o fixo? ¿ Pideu Fraga perdón por ser colaborador dun goberno xenocida e terrorista? Fundou AP,agora PP e nono ilegalizan.Pidiron perdón xuices e "milikos" po-lo apoio expreso e tácito o Xeneral-criminal-golpista?