Por E.P. | SANTIAGO DE COMPOSTELA | 23/08/2018 | Actualizada ás 14:37
As exportacións galegas acadaron un valor de 11.679 millóns no primeiro semestre deste ano, o que supón un 7% máis que no mesmo período de 2017. Segundo datos do Ministerio de Industria, este crecemento duplica a media de aumento en España (+2,87%), o que supón que o peso de Galicia nas exportacións crecese até situarse por encima do 8%.
O téxtil e a automoción seguen tirando das exportacións galegas, acompañadas de semimanufacturas metálicas e químicas, ao concentrar o 60% do total. Experimentan estes sectores unhas altas taxas de crecemento interanual.
Ademais, o saldo comercial de Galicia co estranxeiro mantense como o segundo maior entre comunidades no primeiro semestre. Así, sitúase en 2.090 millóns de euros de superávit. A Coruña e Pontevedra acumulan de novo a maioría das exportacións galegas. De feito, teñen un peso crecente en España, de forma que se sitúan como cuarta e sétima provincia con maior incidencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.