A poboación galega subsiste grazas aos estranxeiros; en 2017 chegaron case 20.000

As emigracións ao estranxeiro ou outras comunidades foron 30.249, mentres que chegaron 36.932 inmigrantes.

Por E.P. | Compostela | 31/08/2018 | Actualizada ás 12:50

Comparte esta noticia

Galicia rexistrou en 2017 un saldo migratorio positivo por segundo ano consecutivo, ao recibir 6.683 inmigrantes máis que emigrantes, segundo os datos publicados este venres polo Instituto Galego de Estatística (IGE). Un saldo positivo que se mantén, sobre todo, grazas aos estranxeiros que chegan ao país.

Traballadoras marroquíes en empresas españolas
Traballadoras marroquíes en empresas españolas

En 2017, marcharon de Galicia 30.249 persoas, das cales 18.380 foron a outras comunidades, mentres que 11.869 marcharon ao estranxeiro. Pola súa banda, chegaron 36.932 persoas á Comunidade galega. Entre elas, 19.078 viñeron do estranxeiro e 17.854 entraron doutras autonomías.

Por provincias, o saldo migratorio é positivo en todas salvo en Pontevedra (-404). A Coruña, recibiu 5.369 persoas máis das que marcharon, mentres que en Lugo pasou o propio con 1.053 persoas e en Ourense, con 665.

En 2016, o saldo migratorio tamén fora positivo (en 3.025 persoas), após tres anos en negativo entre 2013 e 2015, cunha perda de 5.886 persoas no seu conxunto. Agora recupéranse en Galicia datos de avance similares aos de 2010.

Con todo, o nivel de emigracións mantense constante ao redor das 30.000 persoas que marchan de Galicia ao ano desde comezou a crise, aínda que agora hai un repunte de inmigracións que deixa un saldo positivo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 expaña nos mata

veñen a aprobeitarse e rirse de nos, o gobernó os mete en barcos, estou vendo demaisado cousas raras mulleres con panos na cabeza, non vexo os "leftys" protestando nin nada... a poboación galega vai para abaixo mais brutalmente e victima de luz de gas, nos están aniquilando os poucos, a nosa cultura, o noso país, a nosa banca, a nosa agricultura e pesca xa non son nosos... O GALEGO E VICTIMA DUN EXTERMINIO SISTEMATICO QUE E NEGADO POR CERTOS MEDIOS... están metendo agora a uns venezolanos incluso negros que din que son galegos xa ninguen cae no tema pero teran que darlles pensionado