Galicia produce 14.000 toneladas anuais de carne de coello, un cuarto do total de España
Por E.P. | SANTIAGO DE COMPOSTELA | 11/03/2019 | Actualizada ás 13:27
Galicia conta cun total de 257 granxas cunícolas e produce unhas 14.000 toneladas anuais de carne de coello, o que supón o 24% do total en España.
Na visita a unha granxa de coellos en Beariz (Ourense), o conselleiro de Medio Rural, José González, destacou que Galicia é unha potencia no sector, co sexto maior número de granxas no país.
O conselleiro destaca a profesionalización do sector na Comunidade, xa que aínda que Cataluña conta con maior número de granxas rexistradas, estas son de menor tamaño que en Galicia.
Actualmente, hai sobre un millón de coellos en Galicia, o que supón o 16 por cento destes animais existentes en España. É a terceira comunidade con maior cifra, por detrás de Cataluña e Castela e León.
