Cántas veces teremos escoitado pola rúa ou entre amigos "eu no paro e outros cobrando millóns por ser político e non facer nada"? O reproche ó traballo dos políticos acelérase sen freos. Dános igual que sexan do noso ámbito local, onde coñecemos ata os seus viños habituais nos bares que máis frecuentan; ou de niveis superiores, como pode ser o tema de actualidade das eleccións dos eurodeputados. O Parlamento Europeo é unha institución na que case un de cada dous europeos non confía e o 81% de españois declaran que están pouco ou nada informados do traballo e asuntos que alí se tratan. A día de hoxe as eleccións europeas están caracterizadas pola abstención: a media en Europa está aproximadamente ó 57 % (a participación en 18 dos 27 Estados da Unión está por debaixo do 50 %), en España o 41% e en Galicia un 51 % .