Por Galicia Confidencial | Santiago de Compostela | 11/06/2020 | Actualizada ás 11:56
Traballadores de Política Social da Xunta mobilizáronse este xoves para denunciar a súa "discriminación laboral". Coas mobilizacións deste xoves son xa 3 semanas seguidas as que leva manifestándose o persoal de atención directa para reclamar "a recuperación dos dereitos laborais recortados en 2012".
Os sindicatos convocantes demandan unha "interlocución" coa Conselleira de Política Social, á que acusan de "non ter sequera 5 minutos" para recibir ós representantes laborais "logo da máxima dedicación" amosada polos traballadores durante a crise do coronavirus.
Por esta razón, CIG, CCOO, CSIF e UGT anuncian que manterán o calendario de mobilizacións, que inclúe protestas durante todo o mes de xuño, para rematar coa "discriminación" que, según apuntan, sofren os traballadores de atención directa a usuarios fronte a outros colectivos.
En concreto, as organizacións sindicais demandan a compensación dos domingos e festivos traballados e o recoñecemento de xornadas de descanso adicionais por traballar en "días especialmente significativos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.