13 viños de Valdeorras premiados nos 'Decanter 2020 World Wine Awards'

O concurso celebrouse ao longo do mes de agosto en Londres e nel participaron 16.500 referencias de todo o mundo

Por X.M. Fernández | Vilamartín de Valdeorras | 29/09/2020 | Actualizada ás 08:30

Comparte esta noticia

Os Decanter 2020 World Wine Awards, prestixioso certame que se celebrou en Londres no mes de agosto e no que participaron 16.500 viños de todo o mundo, distinguiu un total de 13 referencias valdeorresas. “Isto proba que a calidade dos nosos brancos e tintos non ten nada que envexar á de viños doutras rexións europeas e mundiais”, destacou o presidente do Consello Regulador da D.O. Valdeorras ao respecto.

Decanter 2020
Decanter 2020

Decanter distinguiu con medalla de prata catro referencias da comarca: Maruxa Godello de Virgen del Galir; Viñaredo Godello de Santa Marta; Viñaredo Sousón Barrica de Santa Marta e 200 Cestos de A Coroa.

Xunto a isto, con medalla de bronce foron distinguidos: Maruxa Mencía de Virgen del Galir; Pagos del Galir Godello de Virgen del Galir; Pagos del Galir Mencía de Virgen del Galir; Fardelas Godellón de Santa Marta e Godello de A Coroa.

Finalmente, houbo catro viños que obtiveron a distinción de destacados: Godello de Joaquín Rebolledo; Finca Trasladeiras de Joaquín Rebolledo; Sobre Lías Godello de Valdesil e Valderroa Carballo de Valdesil.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta