Estabilizado o incendio de Carballeda de Valdeorras tras calcinar 200 hectáreas
Hai sete avións e nove helicópteros combatindo as lapas.
- Inercia e precariedade laboral, así combate a Xunta os incendios forestais
- Denuncian a "falta de cobertura" de postos para o servizo de prevención de incendios
- Menos medios aéreos na loita contra os incendios aínda que se espera un verán "máis caloroso do habitual"
Por Europa Press / Redacción | SANTIAGO DE COMPOSTELA | 18/07/2021 | Actualizada ás 11:10
O incendio forestal rexistrado o sábado en Carballeda de Valdeorras continúa activo na mañá deste domingo e a superficie arrasada alcanza xa as 200 hectáreas, se ben quedou estabilizado ao redor das 12,30 horas deste domingo. Segundo informa a Consellería do Medio Rural, as chamas orixináronse sobre as 16,35 da tarde do sábado na parroquia de Sobradelo e no seu control participaron ata o momento un técnico, 12 axentes, 28 brigadas, 13 motobombas, dúas pas, seis avións e nove helicópteros.
A evolución deste incendio provocou que na tarde do sábado o ADIF tivese que cortar o servizo ferroviario entre Quereño --municipio de Rubiá-- e O Barco, correspondentes ao traxecto León-Monforte de Lemos, aínda que a última hora xa quedou restablecido.
