Ser e Radio Galega lideran as audiencias en Galicia

Os mozos escoitan moita menos radios que o grupo de entre 35 e 45 anos. A audiencia por Internet segue sen chegar ao 10%

Por Galicia Confidencial | Comunicación | 18/09/2014 | Actualizada ás 09:00

A Radio Galega ocupa o primeiro lugar entre as emisoras máis escoitadas de Galicia cun promedio de 144.000 oíntes diarios, con máis do dobre da segunda clasificada que é Radio Vigo FM Ser, segundo un informe do Consello da Cultura Galega sobre os medios de comunicación en Galicia.

Con datos do Estudio Xeral de Medios, o organismo sinala que polo número de oíntes a seguir atópase Vigo FM C40, Radio Coruña M Ser e R1/Radio Nacional de España FM. Considerando as canles de emisoras, a Radio Galega sería a segunda en audiencia, por detrás da Ser.

O informe aporta outros datos da audiencia xeral en Galicia comparativos cos do resto de España e así indica que en Galicia o 93% dos oíntes optan pola frecuencia modulada, mentres que a onda media e internet están prácticamente igualadas. No conxunto estatal, a radio "on line" sitúase 1,3 puntos porcentuais por riba da onda media.

A variable de idade inflúe de xeito notable no índice de audiencia radiofónica; os galegos máis novos son os menos interesados por este medio. A maior audiencia vén da man dos oíntes que están entre os 35 e os 44 anos.

Por provincias, coruñeses e pontevedreses suman o 76% da audiencia da radio en Galicia, mentres que os ourensáns e os lugueses acadan o 24% desta. Por último, o 95,3% dos galegos que elixen emisoras temáticas fanno para escoitar música.

3 camionista

Ese informe do consello da Cultura Galega mostra un descoñecemento absoluto do que é a radio. A emisora máis escoitada en Galicia é a SER e punto.A Radio Vigo-SER no EGM é a mais escoitada cun so poste repetidor, con 71.000 ointes,e Radio Galega ten 144.000 con 40 e pico postes emisores en toda Galicia, polo tanto que se deixen de disfrazar. E por outra banda hai que aportar tamen os ointes que hai por internet porque nese caso cambio o conto,e unha emisora pequena coma Radio Valga 107.9 cun so programa de orquestras á semana, onde so falan en galego, xunta máis ointes nunha web con datos audiencia públicos, que todas as emisoras de Galicia xuntas, é a primeira de España en ointes,por riba de radio Madrid-SER. Poden mirar nas estadisticas http://www.radios.com.br/aovivo/Rad...

2 Isidoro

Esta información é falsa, como moitas outras que publica GC.

1 galinauta

Lembrar que o EGM non inclúe aos concellos de menos de 5.000 habitantes, o cal perxudica os datos da Radio Galega...

1 Kantareiro

Non manipules Rosiña. O EGM chega a tódolos concellos de Galiza, primando os máis pequenos pois ten o censo desfasado. O Consello da Cultura, despois deste informe, debería chamarse da Incultura. A Radio Galega caeu á cuarta posición, por detrás de SER, Cope e Onda Cero, e a TVG non chega ao 9 por cento de audiencia. Villares, disimula mellor, non se pode tragar de todo.

2 Moreira

¿que vai decir o concello da cultura?Que a Radio perde audencia dia a dia e que non se escoita pola manipulacion,o de internet eh grabe todolos medios avanzan e na nosa galicia non....vamos pa tras.