O PSdeG culpa á Xunta da perda de emprego da muller no rural e pide "implicación"

Presentou unha batería de iniciativas para reclamar ao Executivo un "plan de choque"

Por Europa Press / Redacción | SANTIAGO DE COMPOSTELA | 08/12/2022 | Actualizada ás 13:35

Comparte esta noticia

A portavoz de Emprego do grupo socialista do Parlamento de Galicia, Carmen Rodríguez Dacosta, presentou unha batería de iniciativas para reclamar á Xunta un "plan de choque" contra a perda de traballo da muller rural.

Neste sentido, Rodríguez urxiu ao Goberno galego "medidas concretas de discriminación positiva", así como de impulso real en todas as políticas e cun cronograma concreto para a súa execución e un orzamento necesario.

A deputada chamou á reflexión sobre o papel das mulleres rurais para o desenvolvemento social, polo que insistiu na importancia de promover o seu recoñecemento e na necesidade de garantir o desenvolvemento pleno dos seus dereitos.

Nun comunicado, o PSdeG alertou do "esborralle" dos nacementos e da masculinización da poboación nos núcleos de interior, nos que o censo está dominado por homes. Por iso, reclamaron un estudo sobre esta situación e propostas para combater este fenómeno.

"Trátase dun factor fundamental para o despoboamento do rural galego, ligado ao desmantelamento dos servizos públicos e privados, que provoca que as mulleres atopen moitas dificultadas á hora de pór en macha o seu proxecto de vida no rural e a falta de emprego", reivindicou Rodríguez Dacosta.

Para ela, o Executivo autonómico ten a obrigación de "facilitar que a agricultura e a gandaría sexan oportunidades para as mulleres", polo que culpou á Xunta de ser a responsable de que Galicia sexa a comunidade que máis emprego destrúe no rural.

Así, pediu "implicación de forma decidida" para conseguir un medio rural máis igualitario e diminuír a brecha de xénero existente no sector agrogandeiro e fomentar unha maior participación de mulleres.

Carmen Rodríguez Dacosta.. PSDEG
Carmen Rodríguez Dacosta.. PSDEG | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta