Rueda destaca que "parte do que é Euskadi construíuse co esforzo dos galegos"
O presidente do PP de Galicia acudiu á inaguración dunha sede do PP de Euskadi
Por Europa Press / Redacción | Galicia | 13/03/2023 | Actualizada ás 17:34
O presidente do PP de Galicia, Alfonso Rueda, participou este luns na inauguración da quinta sede a pé de rúa do PP de Euskadi, nesta ocasión, en Barakaldo (Biscaia), na que o dirixente popular destacou o "esforzo" dos emigrantes da Comunidade galega en "construír parte do que é" o País Vasco actualmente.
"Parte do que son hoxe Barakaldo e o País Vasco construíuse co esforzo dos galegos que agora son tamén vascos", proclamou Alfonso Rueda na súa intervención, na que destacou que o PP desta comunidade é unha mostra de "valentía e de saber estar".
Na súa intervención, Carlos Iturgaiz, presidente do PP, destacou que Alfonso Rueda ten Tren de Alta Velocidade en Galicia por "a boa xestión do PP", mentres que en Euskadi "deberemos esperar aínda moitos anos para que chegue o TAV pola nefasta xestión do PNV".
PP VASCO, REFERENTE DE "VALENTÍA"
Pola súa banda, Alfonso Rueda, afirmou que o PP vasco é un referente de "valentía, de saber estar, de pasar momentos durísimos e de seguir aí". Nese sentido, pediu apoio ao PP vasco para que "a postura que traemos, ao final, sexa realmente útil e sirva para o que pretendemos".
Nesa liña, indicou que en Galicia "por fin chegou o AVE, aínda que non de todo aínda, porque o prometeron para o ano pasado, ano Xacobeo con marca de turistas, e veunos moi ben ter un AVE que chegase ao resto de provincias", á marxe de Ourense.
Así, apuntou que en Galicia "a segunda forza política é un partido independentista radical aliado de Bildu" e advertiu de que hai "moitísimas formulacións que non se poden aceptar e moitísimas cousas que son inasumibles".
