A Xunta nomea as presidencias e vicepresidencias de 15 consellos reguladores do ámbito agroalimentario
Por E.P. | SANTIAGO DE COMPOSTELA | 17/03/2023 | Actualizada ás 11:14
O Diario Oficial de Galicia (DOG) publica este venres a orde da Consellería do Medio rural mediante a cal se nomea ás persoas que van ocupar as presidencias e vicepresidencias dos 15 Consellos Reguladores do ámbito agroalimentario, cuxas eleccións tiveron lugar o pasado 10 de novembro.
Estas persoas foron escollidas nos plenos constituíntes de cada un destes consellos reguladores, que se desenvolveron en días pasados. En concreto, Jonatan Gago será o presidente da Denominación de Orixe Monterrei, mentres que Isidoro Serantes ocupará a presidencia da Denominación de Orixe Rías Baixas e Antonio Lombardía da de Ribeira Sacra.
Pola súa banda, Juan Manuel Casares será o presidente da Denominación de Orixe Ribeiro, José Ramón Rodríguez da de Valdeorras, José Antonio Feijóo da de Augardentes e Licores Tradicionais e Luis Lamas da Denominación de Orixe Arzúa-Ulloa.
O presidente da Denominación de Orixe Queixo de Teto será Benigno Pereira, Daniel Pérez da de San Simón da Costa, José Manuel Gómez da de Pataca de Galicia e María Esther Ordóñez de Mel de Galicia. Carlos Manuel Rodríguez ocupará a Presidencia da IXP Pan de Cea, Jesús Quintá da IXP Castaña de Galicia, Jesús González da IXP Carne de Vacín de Galicia e Francisco López do Consello Regulador da Agricultura Ecolóxica de Galicia.
