A Xunta prohibe cazar as aves cerceta, agachadiza e avefría tras mandato xudicial
O TSXG estimou parcialmente en xuño de 2024 demandas interpostas por Ecoloxistas en Acción.
Por Europa Press / Redacción | SANTIAGO DE COMPOSTELA | 02/10/2024 | Actualizada ás 19:08
A Xunta prohibiu cazar as aves cerceta común ('Anas crecca'), a agachadiza común ou 'becacina' ('Gallinago gallinago') e a avefría ('Vanellus vanellus') tras mandato xudicial.
O Diario Oficial de Galicia (DOG) publica este mércores unha modificación da tempada de caza 2024-2025 na que se recolle que a Sala do Contencioso-Administrativo do Tribunal Superior de Xustiza de Galicia (TSXG) estimou parcialmente en xuño de 2024 demandas interpostas por Ecoloxistas en Acción relativas a estas tres especies que se declaran "non cazables" debido a unha vulneración do decreto do catálogo de especies ameazadas.
De tal forma, a Consellería de Medio Ambiente procede a modificar diferentes artigos que estaban incluídos na resolución de marzo de 2024 para a tempada de caza 2024-25 en Galicia relativos a estas especies.
Ademais, os plans anuais de aproveitamento cinexético aprobados para a tempada 2024-25 que contemplen o aproveitamento da agachadiza ou 'becacina' ('Gallinago gallinago') e cerceta real ('Anas crecca') entenderanse como non aprobados para estas dúas especies.
