Tres feridos nun accidente con dous coches implicados en Vimianzo

Tres persoas resultaron feridas este luns como consecuencia dun accidente de tráfico no que se viron implicados dous vehículos, no termo municipal de Vimianzo. Segundo informou o Consorcio contra Incendios e de Salvamento da Coruña, o sinistro rexistrouse pasadas as 13.00 horas na carreira AC-442, aínda que o 112 avisou de que non había persoas atrapadas. Ata o lugar desprazáronse efectivos do parque provincial de bombeiros de Cee, ademais de axentes da Garda Civil de Corcubión e profesionais sanitarios, que trasladaron ás persoas feridas ao Hospital Virxe da Xunqueira de Cee.

Accidente con dous vehículos implicados e tres persoas feridas en Vimianzo | Fonte: CONSORCIO CONTRA INCENDIOS E SALVAMENTO A Coruña