Aitana e Lamine Yamal, os xefes soñados polos nenos e nenas galegos, segundo unha enquisa de Adecco

O Grupo Adecco presentou os resultados da súa ‘XIX Enquisa Que queres ser de maior’, realizada a máis de 1.900 nenos e nenas de toda España, entre eles 157 galegos, para coñecer as súas preferencias profesionais e opinións sobre o mercado laboral e a actualidade. Nesta edición, a intelixencia artificial e os robots destacan como temas de interese entre os máis novos.

Segundo a enquisa, as nenas galegas prefiren profesións relacionadas coa educación e a saúde, escollidas por cinco de cada dez, seguidas polo mundo animal e o deporte. Os nenos, pola súa banda, apostan maioritariamente por profesiones vinculadas ás forzas da orde e ás STEM, con interese tamén polo deporte. Entre as profesións concretas máis desexadas destacan mestras, médicas e futbolistas para as nenas, e policías, futbolistas e youtubers para os nenos.

En canto ao líder ideal co que queren traballar no futuro, elas prefiren xefas do mundo da música, destacando a cantante Aitana, mentres que eles escollen xefes do ámbito deportivo, con Lamine Yamal á cabeza. Tamén aparecen outros nomes como a cómica Lalachus, a atleta Ana Peleteiro ou o tenista Carlos Alcaraz.

Outros aspectos que chama a atención da enquisa son as noticias que máis impactaron aos menores, como a morte do papa Francisco, o apagamento xeneralizado en España ou eventos climáticos como a Dana. Ademais, un alto porcentaxe dos nenos e nenas galegos manifestan interese por emprender no futuro, cunha maior porcentaxe de nenos que nenas.

Sobre a tecnoloxía, dous terzos dos nenos estarían dispostos a traballar con robots, mentres que só o 34,6% das nenas o queren. Casi catro de cada dez novos xa empregaron intelixencias artificiais xerativas, principalmente para axuda nos estudos. En canto á conciliación entre salario e tempo libre, as nenas prefiren máis tempo libre aínda que iso supoña un salario menor, e os nenos priorizan gañar máis aínda que teñan menos tempo libre.

Finalmente, a idade na que os menores prevén xubilarse está maioritariamente entre os 50 e os 69 anos, sendo a franxa dos 60 aos 69 anos a máis común, seguida pola dos 50 aos 59 anos. Tamén hai unha minoría que se ve xubilarse máis aló dos 70 anos.