Detido un home polo incendio de Oímbra que comezou mentres realizaba labores de roza cun tractor

A Garda Civil detivo a un home, veciño da Gudiña, como presunto responsable dun incendio forestal en Oímbra que calcina máis de 5.000 hectáreas e no que resultaron feridos tres brigadistas que permanecen ingresados.

Segundo informou o Instituto Armado, o home, de 46 anos, realizaba labores de limpeza e roza cun tractor cando se atopaba vixente o índice de risco extremo de incendio.

Ao home atribúenselle dous delitos de incendio forestal por imprudencia grave e tres de lesións graves, xa que tres brigadistas sufriron queimaduras e permanecen ingresados no complexo hospitalario universitario da Coruña (Chuac).

Varios servizos de emerxencia traballan na extinción do lume en Seixalbo, Ourense | Fonte: Rosa Veiga - Europa Press