TVG adica o mesmo espazo ás propostas de igualdade de PP e C's que á manifestación de Lugo
O ente público destacou no telexornal as políticas de populares e Ciudadanos en materia de feminismo mentres miles de persoas pedían igualdade de dereitos entre homes e mulleres.
Por Galicia Confidencial | Compostela | 04/03/2019 | Actualizada ás 20:25
A TVG volve estar no punto de mira da crítica de telespectadores e partidos políticos tras a súa cobertura da manifestación feminista deste domingo en Lugo que xuntou a máis de 10.000 persoas.
Así, non foron poucos os usuarios de redes sociais que denunciaron o tempo adicado á masiva proposta de Lugo en comparación con actos ou propostas sobre igualdade do PP e de Ciudadanos.
Durante o telexornal do pasado domingo, o tempo adicado á manifestación feminista foi compartido coa presentación das propostas do PP sobre igualdade “de homes e mulleres” e tamén sobre o decálogo de “feminismo liberal” de Ciudadanos.
Non é a primeira vez que o ente público galego recibe duras críticas pola súa cobertura “sesgada” de actos nos que se critica ao goberno da Xunta ou do PP, aínda que sexan masivos, como foi o deste domingo na cidade das murallas.
