A empresa da mina de Penouta entra en concurso de acredores
Faino só uns meses despois de que o TSXG lles negase retomar a actividade.
Por Europa Press / Redacción | OURENSE | 01/10/2024 | Actualizada ás 15:19
Strategic Minerals Spain, filial española de Strategic Minerals Europe Corp. encargada da explotación da mina de tantalio en Penouta, en Viana do Bolo, iniciou un proceso de insolvencia voluntario que inclúe a designación dun administrador concursal sobre os seus bens por parte dos tribunais.
Diso informou a propia compañía nun comunicado de prensa no que se refire ao interese por renovar as súas operacións durante o primeiro semestre de 2024, pero permaneceron suspendidas pola decisión do Tribunal Superior de Xustiza de Galicia (TSXG) de anular o permiso para a mina de estaño e tantalio.
A empresa engade que non logrou obter novas fontes de financiamento. Como consecuencia do procedemento concursal, a sociedade tamén anuncia a súa intención de excluír voluntariamente as súas accións ordinarias de Cboe Canada Inc (a bolsa de valores con sede en Toronto).
En outubro de 2023 transcendeu que a sala do contencioso do TSXG atendía a reclamación de Ecoloxistas en Acción, ante os "graves impactos" da mina sobre o espazo protexido de Pena Trevinca, Rede Natura 2000. Ecoloxistas celebraron a medida, fronte ás protestas que protagonizou un grupo de traballadores e representantes sindicais e empresariais.
