A titular de Medio Rural pide retirar os incendios do debate político e di que a Xunta "non escatima un só euro" nesta loita
No pleno do Parlamento, a socialista Carmen Rodríguez Dacosta interpelou á titular da consellería sobre as políticas da Xunta neste ámbito, e en concreto interesouse polos lumes de quinta e sexta xeración, "unha das maiores ameazas" do monte galego.
Por Europa Press / Redacción | SANTIAGO DE COMPOSTELA | 11/06/2025 | Actualizada ás 14:15
A conselleira de Medio Rural, María José Gómez, fixo un chamamento ao consenso e pediu retirar os incendios forestais do debate político, á vez que defende "non escatimar" en extinción, en paralelo co investimento en prevención. No pleno do Parlamento, a socialista Carmen Rodríguez Dacosta interpelou á titular da consellería sobre as políticas da Xunta neste ámbito, e en concreto interesouse polos lumes de quinta e sexta xeración, "unha das maiores ameazas" do monte galego.
Na súa quenda, a conselleira afirmou que "na loita contra os incendios non se pode escatimar", polo que o Goberno galego "non escatima un só euro". "Faltaría máis", subliñou. En calquera caso, insistiu en que os incendios "deben ser obxecto de consenso, non de debate" e reivindicou e enumerou distintas partidas destinadas a "traballar por un medio rural máis produtivo, máis coidado e por un medio rural que teña un gran futuro".
