Galicia Confidencial (GC) - Artigos de Jose Luis Quintela

Comercio local ou xigantes... Que cidades queremos?

Mirando ao mar....Unha das impresións que teño máis nitidamente gravada na retina, cando penso en como era hai catro décadas a cidade de A Coruña, ten que ver co Mercado de San Agustín. “La plaza”, como diciamos na casa, era un verdadeiro fervedoiro, no que se amoreaban xentes dispostas a mercar moito do que aqueles muros atesouraban. Algúns sábados, nos que non había escola, iamos con mamá por alí. E recordo a sensación, abafante para min, de cheo absoluto. Era ata complicado moverse entre toda aquela algarabía.

Mirando ao Mar... A xeito de presentación

Déixenme que, aínda que paseniño e falando baixiño, case murmurando, me coe neste Galicia Confidencial para comezar a compartir con todos vostedes diferentes aspectos da actualidade económica e política, vistos desde o punto de vista das súas consecuencias sociais. Esa é a idea desta nova columna, “Mirando ao Mar”, coa que quero aportar o meu grao de area nun momento especialmente crítico á hora de repensar que futuro queremos

José Luis Quintela Julián (A Coruña, 1968) é licenciado en Física e Ms en Ciencias pola Universidade de Santiago de Compostela. MBA en ICADE, Posgrao en Xestión de Entidades non Lucrativas por ESADE e Especialista na Unión Europea pola Universidade de Vigo. Foi profesor asociado nas Facultades de Física e Óptica da USC, impartiu clase de Matemáticas e Física en Bacharelato e traballou no sector privado, no eido da enxeñaría. Foi Director Territorial da Fundación Intermón Oxfam en Galicia, León e Asturias, Director Interino de dita organización en Guatemala e tamén VicepresIdente do Consello Galego de Cooperación ao Desenvolvemento e secretario da Coordinadora Galega de ONGDs. Traballou como Director de Área de Servizos Sociais no Concello de A Coruña e nesta etapa presta servizos como profesor de Física e Química no ensino público galego, continuando involucrado no terceiro sector na xunta directiva dunha organización coruñesa de inclusión social.