Detido en Celanova un home vinculado con máis de 20 incendios intencionados en dous anos
No que vai de campaña, a UPA leva 14 persoas detidas ou investigadas como presuntas autoras de incendios forestais.
Por Europa Press / Redacción | Santiago de Compostela | 08/08/2025 | Actualizada ás 12:46
Axentes do Grupo de Investigación de Incendios da Unidade de Policía Nacional Adscrita de Galicia (UPA) en Ourense detiveron ao sospeitoso de provocar un incendio forestal rexistrado durante a anterior semana no municipio ourensán de Celanova, no marco dunha investigación en curso. Relacionan a este individuo, que leva meses baixo vixilancia, coa autoría doutros 20 lumes intencionados, producidos entre 2024 e 2025.
Este último incendio rexistrouse na parroquia de Amoroce o 31 de xullo e afectou unha superficie de 0,1 hectáreas de superficie rasa. Segundo informa a Xunta, o lume orixinouse de forma intencionada, con tres focos moi próximos entre si, presuntamente por unha persoa á que no momento da súa detención fóronlle intervidos varios chisqueiros e papel presumiblemente destinados a prender lume.
A detención enmárcase nunha investigación levada a cabo pola UPA centrada nos incendios forestais rexistrados nesta zona, onde xa se estaba realizando un seguimento. Deste xeito, a persoa detida levaba meses baixo vixilancia e impútaselle a autoría doutros 20 lumes ocorridos na mesmo área, 13 deles no ano 2024 e 7 no 2025. Na extinción do lume de Amoroce participaron un axente forestal, catro brigadas e dúas motobombas.
INVESTIGACIÓN EN CURSO
A detención enmárcase nunha investigación levada a cabo pola UPA centrada nos incendios forestais rexistrados nesta zona, onde xa se estaba realizando un seguimento. Deste xeito, a persoa detida levaba meses baixo vixilancia e impútaselle a autoría doutros 20 lumes ocorridos na mesmo área, 13 deles no ano 2024 e 7 no 2025.
As dilixencias por estes feitos foron remitidas ao Xulgado de Instrución en funcións de garda de Celanova e o detido foi posto en liberdade en sede policial. Será chamado a declarar no seu momento, segundo informa o Tribunal Superior de Xustiza de Galicia (TSXG).
No que vai de campaña, a UPA leva 14 persoas detidas ou investigadas como presuntas autoras de incendios forestais. Esta mesma detiveron a un home de 28 anos como presunto autor de varios incendios en Ourense, no monte de Canibelos. Este permanece en liberdade, coa obrigación de comparecer semanalmente ante o xuíz, mentres é investigado por incendio en grao de tentativa.
